Igalia é unha empresa de consultoría especializada en software libre con sede na Coruña e traballadores e clientes por todo o mundo. Os nosos proxectos abranguen industrias como a dos dispositivos móviles, automoción, videoxogos, cloud, sistemas embebidos e TV dixital, entre moitas outras.

Traballamos con todo tipo de tecnoloxías de código aberto como navegadores web, gráficos, compiladores, multimedia, virtualización e o kernel e sistema operativo Linux. A empresa ten unha estrutura cooperativa onde a estratexia se decide de forma colectiva e todo o mundo pode participar na toma de decisións.

En Igalia sempre estamos a buscar xente con ganas de traballar no mundo do software libre e tamén ofrecemos prácticas remuneradas para estudantes.

Enlaces:

• Web: https://www.igalia.com/
• Talento: https://www.igalia.com/jobs/